Алтынньы 31 күнүгэр 2025 сылга Дьокуускай куоракка «Күн тула» диэн сахалыы тыыннаах чааһынай оҕо уһуйаанын үөрүүлээх арыллыыта буолла. Бу саха омугун өбүгэтин үгэһин салҕыыр, аныгылыы көстүүлээх бырайыак буолар. Сыала: оҕо төрөөбүт тылын, култууратын, тулалыыр айылҕатын, дьиэ кэргэнин таптаан, харыстаан улаатарын ситиһии.
«Күн тула» уһуйааҥҥа оҕо чэгиэн доруобуйалаах, дэгиттэр сайдыылаах буоларыгар бары усулуобуйа барыта баар. Ол курдук, Сунтаар улууһун Кэмпэндээйитин туустаах хоһо, нейрофизкультура саалата, олоҥхо киинэ, табыгастаах араас оҕо оонньуур сирэ уо.д.а.
Уһуйаан арыллыытыгар былаас үрдүкү саламтата, уопсастыбаннай тэрилтэлэр өйөбүл буолан кэлэн кытыннылар. «Күн тула» оҕо уһуйаана бу атын урбаанньыттар төрөөбүт тылга болҕомто ууран, маннык арынан үлэлииллэригэр-хамныылларыгар холобур буолар диэн ыалдьыттар бэлиэтээтилэр.
Онтон уһуйааны арыйааччылар бэлиэтииллэринэн, бу бырайыак сыала – дьоллоох, чэгиэн доруобуйалаах, бөҕө туруктаах оҕолору үөрэтэн, иитэн таһаарыы. «Күн тула» сахалыы уһуйаан арыллыыта – куорат олохтоохторугар биир улахан суолталаах түгэн.
31.10.2025